Реновирани канцелариите на ПЕ на МЗШВ и АХВ во Битола

Министерот за земјоделие Арјанит Хоџа, денеска беше во Битола во посета на реновираните канцеларии на ПЕ на МЗШВ во Битола како и канцелариите на АХВ. Станува збор за обнова на 11 кацеларии, од кои 3 се на ПЕ на МЗШВ.

-Битни се условите за работа на вработените посебно во овој период кога се уште се аплицира за субвенции.  Апелирам до земјоделците да аплицираат за субвенции за тековната година, рокот е до 31 мај, порача министерот Хоџа.

Директорот на АХВ Николче Бабовски рече дека со реновирањето се создаваат можности за  добри просторни и квалитетни услови за вработените во јавната администрација и инспекторите во АХВ.

-Порано нашите вработени беа на повеќе локации оддлени, сега вака сме на едно место и сите услуги што им се потребни и на граѓаните  и на бизнис заедницата се на т.н едношалтерски систем каде се што е потребно од безбедност на храна, заштита на здравјето на животните и инспекцискиот дел е ставен на располагање. Тоа ќе значи брза услуга која во дадениот момент значи многу, рече Бабовски.

Градоначалничката Наташа Петровска рече дека канцелариите и на ПЕ на МЗШВ и на АХВ се во старата општинска зграда но тие чувствувајќи дека се дел од оваа зграда и дел од институциите инвестираа во обнова на канцелариите.