Се обновува соработката со Русија
Во рамки на официјалната посета на Москва, Русија, министерот за земјоделство,шумарство и водостопанство, Љупчо Николовски, имаше работен состанок со претседателот на рускиот дел од Меѓувладината македонско-руска комисија за трговско-економска и научно-техничка соработка, г. Максим Травников.
На состанокот министрите разговараа за широк спектар на прашања кои се од заедниччки интерес за Република Македонија и за Руската Федерација.
Позитивно го оценија растечкиот тренд на трговската размена помеѓу двете земји, особено извозот на македонски земјоделско-прехрамбени производи на рускиот пазар.
Воедно на состанокот беше разговарано и за потенцијалните проекти за кои постои заеднички интерес во областа на енергетиката, туризмот, образованието,спортот и науката.
Во следниот период од двете страни, ќе бидат преземени конкретни чекори за возобновување на соработката во рамки на Меѓувладината комисија и во работните групи.
