вести

Совети за здрава исхрана во зима

(Oвој напис е објавен на: март 4, 2017)

soveti za zdrava ishrana vo zima

 

Во зима поради студеното време со малку сонце поминуваме помалку време надвор, помалку се движиме, јадеме храна со многу скроб и шеќер. Тоа влијае негативно врз здравјето. За среќа има неколку работи кои може да ни помогнат да ја одржиме енергијата, да го подобриме имунитетот и да го одржиме телото здраво во текот на целата зима.

1. Пијте само здрави течности.
ПИјалаците со шеќер, кафето и кофеинските напитоци го слабеат имуниот систем, доведуваат до дебелеење и дехидрација. Дури и во зима е важно да испиете осум чаши вода (топла!) или чај, за да ги одржите здрави органите за варење и да го спречите дебелеењето. Ова е посебно важно во текот на зимските месеци за штетните материи да може да се исфрлат преку урината (во зима многу помалку се потиме).
2. Во текот на студените денови многу е важен добриот сон.
Мелатонинот, многу важен хормон за обновување на имуниот систем, се произведува само во целосен мрак. Така кога одите на спиење, погрижете се да ги спуштите ролетните и да ја елиминирате светлината…
3. Избегнувајте го таканаречениот „додаден шеќер“.
Тоа е шеќерот кој дополнително се додава во чајот, кафето, а тука се вбројуваат и разните бисквити, колачи и останати рафинирани слатки кои ги конзумираме покрај стандардните оброци. Свртете се кон природните шеќери – оние од овошјето. Медот е одличен природен шеќер (Секако во умерени количини!). Ако баш не можете да се откажете од слатките, користете црно чоколадо (со минимум 70% какао) – тоа има докажано поволно дејство врз здравјето.
4. Јадете лук секојдневно.
Тој го поттикнува производството на Т-лимфоцити и макрофаги, помагајќи го имунитетот. Покрај тоа, спаѓа во намирници кои го загреваат телото.
5. Конзумирајте намирници богати со цинк.
Цинкот помага да се подигне ослабениот имунитет. Го има во наутот (леблебиите), семките од тиква и во сусамот.
6. Дајте им предност на овошјето и зеленчукот во исхраната!
Иако во зима е пожелно да се користат намирници кои содржат повеќе јаглени хидрати и масти, тоа не значи дека треба да заборавиме на овошјето и зеленчукот. Баш напротив, тие може да ни помогнат да ја протуркаме зимата во добро здравје.
7. Движете се! Не се предавајте на мрзеливоста!
Важбајте дома, возете собен велосипед, вежбајте јога, и секако прошетајте енергично по убавото зимско време! Брзата прошетка ги согорува калориите, ја забрзува циркулацијата и ја зголемува енергијата. Докажано е дека движењето го подобрува имунитетот!

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Прочитајте исто така

Close
Back to top button
Close