УЈП СО ПОТСЕТУВАЊЕ до земјоделци

Сите земјоделци, занаетчии, или други лица кои вршат услуги имаат рок до 17 март да поднесат Годишен даночен биланс.

Како што соопштува Управата за јавни приходи сите вршителите на дејност, односно обврзниците регистрирани како трговец поединец, физичките лица кои се занимаваат со земјоделска, со занаетчиска дејност и лицата кои вршат услуги или слободно занимање, кои остваруваат доход од вршење на дејност утврдена согласно член 19 од Закон за данок на личен доход, се наближува крајниот рок за поднесување на Годишен даночен биланс (образец „ДЛД-ДБ“) и Биланс на приходи и расходи (образец„Б“).

Рокот е продолжен бидејќи крајниот датум 15 март е неработен ден, па затоа сите засегнати можат обрасците да ги пополнат најдоцна до 17 март.

– Обрасците „ДЛД-ДБ“ и „Б“ задолжително се поднесуваат до УЈП по електронски пат, преку системот е-даночни услуги https://e-ujp.ujp.gov.mk, најдоцна до 17-ти март 2025 година (со оглед на тоа што 15-ти се паѓа во неработен ден) за доходот остварен во претходната, како и до Централниот регистар на РСМ – се појаснува во соопштението испратено до медиумите.

Од УЈП посочуваат дека даночниот период за кои се утврдуваат вкупните приходи и вкупните расходи во работењето на даночниот обврзник е една календарска година.

– Доколку даночниот обврзник вршел самостојна дејност за период пократок од една календарска година, за даночен период се смета периодот од годината во кој обврзникот ја вршел дејноста – се појаснува во соопштението на Управата.