Успешно реализирана четвртата регионална работилница за консолидација на земјоделско земјиште

Вчера во Штип (Хотел Изгрев), Министерството за земјоделство, шумарство и водостопанство (МЗШВ), поддржано од проектот финансиран од Европската Унија – MAINLAND, кој го спроведува Организацијата за храна и земјоделство на Обединетите нации (ФАО), ја одржа четвртата од циклусот регионални работилници за подигнување на свеста за консолидација на земјоделско земјиште кај земјоделците и сопствениците на земјоделско земјиште.

Обраќање на настанот имаа:

• Г-дин Кирил Георгиевски, Сектор за консолидација на земјоделско земјиште, размена и идентификација на земјишни парцели (МЗШВ)

• Г-ѓа Вилма Даугалиене, главен технички советник од ФАО (проект MAINLAND)

Целта на работилницата е да се зголеми локалната свест и разбирање за придобивките од консолидацијата на земјоделско земјиште за земјоделците и сопствениците на земјоделско земјиште.

Присуствуваа повеќе од 80 земјоделци, сопственици на земјоделско земјиште, претставници на локални земјоделски организации, села и единици на локалната самоуправа, како и други важни локални партнери од источниот, североисточниот и вардарскиот регион.