вестиТоп вести

Во Ресен промовиран проектот „Пчеларството – еколошки бизнис за млади“

(Oвој напис е објавен на: февруари 22, 2019)

Десет млади пчелари од Преспа наредните седум месеци ќе имаат можност теоретски и практично да научат како се одгледуваат пчели и сами да можат да почнат еколошки бизнис  во рамките на проектот „Пчеларство – еколошки бизнис за млади“. Проектот беше промовиран денеска во Општина Ресен, а го реализира Здружението за рурален развој „Локална акциона група Преспа – Ресен“ во партнерство со Здружението на агропроизводители „Благој А. Котларовски“.

Целта, според координаторот Јовица Волкановски,  е да се обезбеди вработување за младите преку еколошки бизнис.

-Некои се занимаваат со пчеларство како хоби, но доколку ги научат тајните на пчеларството, тоа може да помине во доходовен семеен бизнис, изјави Волкановски, кој е пчелар со долгогодишно искуство.

Заинтересираните пчелари до 40 години старост, може да се пријават на огласот најдоцна до 1 март, а ќе бидат избрани 10 лица од кои седум машки и три женски.

-Избраните кандидати два месеца ќе имаат тооретски предавања околу начинот на одгледување и заштитата на пчелите. Пет месеци пак практично ќе имаат можност да учат од искусни пчелари. Секој од кандидатите ќе добие по две пчелни семејства, кои за сите заедно ќе бидат поставени на еколошка локација и ќе имаат обврска да се грижат за нив со своите ментори, појасни Волкановски.

Дел од искусните пчелари, кои присуствуваа промоцијата им понудија помош и совети на помладите.

Проектот „Пчеларство – еколошки бизнис за млади“ се реализира во рамки на „Регионалната програма за локална демократија во Западен Балкан – ReLOaD“, финансирана Европската унија преку програмата за развој на Обединетите нации (УНДП) и има буџет од 622.000 денари.


 

opserver.mk

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close