Државниот инспекторат за земјоделство (ДИЗ) информираше дека за време на викендот ги зачести контролите на терен. Оттаму велат дека од спроведени над 200 контроли изготвени се записници и 34 казни од кои 5 барања за прекршична постапка за сторен прекршок спротивно на член 46 став 2 а казни во по член 61 став 3 од Законот за земјоделското земјиште а констатирана е опожарена површина од околу 250 хектари.
Од ДИЗ информираат дека соработката со општините, како и со полициските единици на МВР е добра, особено во Кочани каде што оваа појава е најзачестена, а се со цел запирање на трендот на загадувањето на воздухот, палењето на стрништа, палењето на шумите и друга вегетација контролите на терен да се вршат самоиницијативно или тимски со преставници на Министерството за внатрешни работи, Територијална против пожарна единица и Државниот инспекторат за земјоделство секаде онаму каде има земјоделски површини и постои опасност од палење на стрништа и друга вегетација.
ДИЗ ќе продолжат со интензивините контроли на терен, со цел континуирана и посветена борба против аеро загадувањето кое се случува преку палење на стрништа и земјоделски површини.
П.Ј.
