Артичок – деликатес и лек

Отсекогаш ценето растение и се одгледува во четириесет видови.

• Артичокот е едно од најстарите растение користени од Старите Грци и Римјани како афродизијак или средство за добивање на машки потомци.
• Најпознатиот обожавателка на артичокот Катарина Де Медичи, ги запознала французите со него, кои му го дадоа епитетот врвен деликатес и почнаа  нашироко да го произведуваат.
• Во триесеттите години од минатиот век Њујоршките мафијаши имале апсолутен монопол врз пазарот со артичок, па  затоа градоначалникот го забранил.

Состав и терапевтски својства на артичокот

Артичокот е добар извор на

• фолна киселина
• витамин Ц, К и Б.
• минералите: бакар, калциум, железо, калиум, магнезиум и фосфор.
• антиоксидансите : цинарин, силимарин, кофеинска и ферулична киселина, помала количина на бета каротен, лутеин и зеаксантин

Свежиот артичок е одлична храна за време на зачнувањето и планирање на бременоста поради изобилството на фолна киселина, која го спречува нарушувањето на невралната туба кај фетусот.

Артичокот може да помогне во лекувањето на:

• црниот дроб и бубрезите
•  дијабетес
• дебелината
• болести на срцето и крвните садови
• варење
• камен на жолчката
• жолтица
• гихт
• уртикарија
• ревматизам
• астма
• егзема
• алергии

Артичокот е чувар на вашето срце

Артичокот ефикасно го намалува лошиот холестерол и го зголемува добриот холестерол. За разлика од лековите, од групата на статини , артичокот не ја намалува синтезата на холестеролот, туку го зголемува неговото разградување.

Цинатин и сесквитерпен –  лактон од артичокот се одговорни за неговите корисни ефекти врз срцето и крвните садови. Тие ги спречуваат заболувањата на крвните садови, ангина пекторис, миокарден инфаркт и мозочен удар.

Природен лек за камења во жолчката

Екстрактот од листовите на артичокот ја стимулира жолчката, која е  клучна за разложување на мастите и холестеролот, кои инаку доведуваат до создавање на жолчни камења. Цинатинот од артичокот е толку ефективен така што во некои европски земји се користи како дел од третманот за жолчни камења.

Екстрактот од артичок има исклучително корисен ефект врз здравјето на црниот дроб и помага на следниве начини:

• го намалува нивото на масти
• штити од оштетување и токсини
• помага кај цироза на црниот дроб
• спречува појава на рак на црниот дроб
• ги спречува  болестите на црниот дроб предизвикани од прекумерно внесување алкохол

АРТИЧОК ВО КУЈНАТА

Артичокот е многу популарен низ Европа. Најчесто се подготвува како пржен, на скара, сам или со зеленчук, грав или тестенини. Сиров не се јаде, бидејќи е тешко сварлив. Главниот дел што се јаде е срцето на артичокот, додека младите плодови може да се јадат цели, а кај зрелите се отстрануваат тврдите лисја и врвот на стеблото.

Тинктура од артичок

• 400 до 500 грама листови од артичок се оставаат да стојат една до две недели во еден литар алкохол.
•  Исцедете го и пијте една до две лажици дневно.

Чај од артичок

Неколку листови од артичок прелијте ги со половина литар врела вода, оставете ги 15 минути, потоа исцедете и испијте го. Делува слично како и сувиот екстракт од лисјата на артичокот.

Артичока со млад грав

Состојки

• половина килограм млад грав
• десет артичоки
• половина главица лук
• маслиново масло
• магдонос
• трошки

Подготовка

• Потопете го артичокот час и половина во вода за да ја загуби својата горчина. Направете компактна смеса од грав, лук, магдонос, маслиново масло и лебни трошки. Додајте сол и бибер по вкус.
• Наполнете ги артичоките со оваа мешавина, ставете ги во тава свртени нагоре, истурете маслиново масло, истурете вода до работ на артичоките, додадете сол, бибер и  магдонос.
• Покријте ги и ставете ги да зовријат и  да крчкаат на тивок оган околу  час и половина.

zdravjeizivot.mk