Нема доволно производство на добиточна храна

Македонија е една од ретките земји во регионот која има услови за производство на луцерка со 5 до 7 реколти во текот на една година.

Освен како добиточна храна, како што велат земјоделците, луцерката го облагородува составот на почвата, па нивите потоа без дополнителни вложувања и вештачки ѓубрива се подготвени и за одгледување на насади со други култури и се влијае на намалувањето на болестите.

Во новонастанатите услови единствено за луцерката е проблем приспособувањето кон климатските промени бидејќи не поднесува високи температури и долги сушни периоди.

Фуражните растенија за добиточна храна се одгледуваат само на осум проценти од вкупната обработлива земјоделска површина во Македонија.

Луцерката е застапена на 18.000 хектари со производство на 125.000 тони годишно.