вести

Албански и американски бизнисмени заинтересирани за соработка и инвестиции во македонското земјоделство

(Oвој напис е објавен на: јануари 22, 2018)

drzava

Државниот секретар на Министерството за земјоделство, шумарство и водостопанство, Нефрус Челику, денеска имаше работен состанок со бизнисмени, членки на комори, претставници на банкарскиот сектор и финансиски институции од Соединетите Американски држави и од Република Албанија. На состанокот присуствуваа и македонски фирми од областа на консултантски услуги, како и претстваници од банкарскиот сектор.

Од македонска страна, на состанокот беше презентирана моменталната состојба во македонското земјоделство, расположливите земјоделски површини,состојба со откупни центри и можност за купување на истите, број на добиток, проиозводство, стартешки гранки, начинот на финансиска поддршка во земјоделството, политиките на Владата за развој на овој сектор, како и можностите за инвестирање во областа на земјоделството во Република Македонија.

Државниот секретар Челику, посочи дека денешниот состанок е значаен бидејќи претставува потенцијална можност за долгорочна и соработка во спроведување на идните успешни проекти кои се од взаемен интерес.

„Земјоделско-прехрамбениот сектор претставува значајна стопанска гранка од економијата на Република Македонија. Република Македонија е докажан производител на земјоделски производи со препознатлив вкус и врвен квалитет, како резултат на извонредните климатски и почвени услови што им дава единствена карактеристика и препознатливост, не само на традиционалните пазари во регионот, туку и на светските пазари со голема потрошувачка моќ. Еден од приоритетите на кој ќе биде посветена Владата во идниот период е создавање поволна клима за привлекување странски инвеститори, притоа обезбедувајќи техничка помош и административни олеснувања за реализација на инвестицијата“, изјави Челику.

Преставниците од САД и од Алабанија, беа заинтересирани за различни земјоделски гранки. Дел од нив, поставија прашања околу системот за справување со нуспроизводите од животинско потекло, за што добија одговор од претставниците од Агенцијата за храна и ветеринарство од Македонија. Исто така дел од претставниците од САД и од Албанија, беа заинтересирани за соработка со македонски производители на одредени земјоделски култури, можности за инветсирање во земјава, дополнителни информации за производство на вино и месо, маслиново масло, како и за сотојбата со македонската ГЕМ банка за достапните сорти на македонски семиња.


 

бриф.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Прочитајте исто така

Close
Back to top button
Close