Цената на пченицата достигна рекорд од 2008 година

Цената на пченицата во светот достигна рекорд од 2008 година поради загриженоста за можни нарушувања во снабдувањето со жито, објави „Market Watch“.

Меѓу другото, котациите за мајските фјучерси за пченица на берзата во Чикаго се зголемија во средата за 7,6 отсто на 390 долари за тон.

Мартовските фјучерси за зимската пченица на берзата во Канзас Сити се искачија на 368,53, а за пролетната пченица во Минеаполис 387,18 долари за тон. Незначително пораснале и договорите за пченка, за 1,3 отсто на 290 долари за тон, што е рекорд од 2013 година.

Причина за зголемувањето е војната во Украина. Аналитичарите потсетуваат дека Русија и Украина се најголеми производители на пченица и тие учествуваат со околу 30 отсто од светскиот извоз.https://lokalno.mk/tsenata-na-pchenitsata-dostigna-rekord-od-2008-godina/