Од  Зелените афоризми на   Миле Ѓорѓијоски

Ние сме аграрна земја. Кој ќе стигне не обработува.

*

Господ го создал земјоделецот, а ѓаволот накупците.

*

Сметаат на земјоделците. Не ги сметаат за живи.

*

Некогаш пролетери, денес земјоделци од сите земји на светот обединете се.

*

Врв на дволичноста: велат дека ја сакаат земјата, а ги обработуваат земјоделците.

**

Ех пусто турско. Тогаш барем немало накупци.

**

Кога накупците се прчат, земјоделците одат по козји патеки.

**

Тантал бил земјоделец. Им ги оставил маките на земјоделците.

**

Јагнето што цица од две мајки, побрзо ќе заврши на ражен.

**

Нашите земјоделци не се расисти. Не им смета што работат како црнци.

**

Свињите не јадат помија од испрани мозоци. Значи, не се ГМО храна.

**

Му пресуди оптимизмот. Веруваше дека може да се живее од овоштарство.

**

Има нешто пострашно од тоа што потфрли родот на јаболката. Откупот ќе потфрли уште повеќе.

**

Тој употребува органско ѓубриво. Му скапа на нивата родот на вишните, сливите…