Денес од 11 часот – Ски-центарот Стрежево започнува со промотивно скијање
Билетите за скијање се исти како и минатата сезона.
ЈП Стрежево Битола соопштува-
Во Ски-центарот Стрежево започнуваме со промотивно скијање. Во 11:00 часот (4 декември) стартува претстојната скијачка сезона. ЈП Стрежево ги спроведе сите технички подготовки и активности за непречен и успешен почеток на скијачката сезона. За сите дополнителни детали за дневното и термините за посебното доживување – ноќното скијање, редовно и навремено граѓаните ќе добиваат сервисни информации преку официјалните страни на Стрежево и преку медиумите. Патот е прооден, паркинзите и детскиот дел се исчистени од снежните навеви, а скијачките патеки се максимално подготвени за дневно и ноќно скијање. Ски-центарот Нижеполе претставува вистинско уживање за љубителите на планината, белите спортови и зимата со целата нејзина раскош и убавина и навистина битолчани и сите други гости имаат одлична и неповторлива шанса за уживање и рекреација. Цените за топол чај и кафе, како и картите за скијање се исти како и минатата сезона. Кога ги имаме, максимално да ги искористиме благодетите на природата е нашата порака до сите вљубеници во зимските спортови и зимското рекреирање. Ве очекуваме, порачуваат од ЈП Стрежево Битола
