Дополнителни субвенции од 1000 денари за грло

Поради зголемениот увоз од Србија и нарушувањето на пазарот, Министерството за земјоделство, шумарство и водостопанство годинава, преку Програмата за директни плаќања, планира да обезбеди дополнителна поддршка во свињарството.

Во периодот од октомври до мај, кога ќе има пад на побарувачката на свинско месо, ќе обезбедиме дополнителни субвенции, најави ресорниот министер Михаил Цветков.

Ако грлото е тешко над 120 килограми, одгледувачот ќе добие плус 1.000 денари, а поддршка ќе се дава и за чувањето на месото во ладилници, односно за тоа, државата ќе ги плаќа трошоците, појаснува Цветков.