Две нови винарници во Демир Капија

Две нови винарници ќе се градат во Демир Капија, најави градоначалникот, Трајче Димитриев. За првата од винарниците веќе е завршен тендерот за продажба на локацијата, додека, пак за втората, општината наскоро ќе распише тендер.

„Скопска компанија ја купи првата градежна парцела на која планираат да произведуваат вино за кинескиот пазар. Се работи за површина од 13.243 квадратни метри“, изјави Димитриев.

Тој посочува дека и за втората локација има заинтересирана компанија, која сака да произведува вино во шише од различни сорти на грозје, наменето за странските пазари. Димитриев вели дека има интерес и за производство и на шампањско во Демир Капија.