Европа очекува одлична жетва на меката пченица
Според водечките експерти од трговското лоби, главен фактор за зголемување на европското производство на жито во новата сезона ќе биде повисокиот принос на меката пченица во Европската унија.
Европската организација на трговци со жита, маслодајни семиња, растителни масла и оброци (КОЦЕРАЛ) ја објави својата прва прогноза за производството на житарки и маслодајни семиња во Европската унија (ЕУ-27) во 2025 година, во која се очекува вкупното производство на житни култури да порасне за 15,66 милиони тони.
Според водечките експерти од трговското лоби, главен фактор за зголемување на европското производство на жито во новата сезона ќе биде повисокиот принос на меката пченица во Европската унија. Производството на пченица (со исклучок на тврда) во ЕУ-27 во 2025 година се очекува да се зголеми од 114,11 милиони тони на 126,55 милиони тони, со оглед на „зголемената површина и враќањето на нормалните приноси во Западна Европа по разочарувачката жетва во 2024 година“.
Најдобар пример во овој поглед е Франција, главен производител на пченица од ЕУ. КОЦЕРАЛ предвидува дека во 2025 година француските земјоделци ќе соберат 33,95 милиони тони мека пченица, што е 8,4 мил тони повеќе во споредба со претходната сезона, пишува „АгроТелеграф.бг“.
