Фармата на Ангелови доби 3,3 милиони денари за 30 високостелни говеда од расата Симентал

Денеска во с.Горобинци ја посетив семејната фарма на Ангелови.

Земјоделството и сточарството се главна економска активност на овие вредни фармери кои обработуваат 60 хектари со житарици и поседуваат фарма со 100 крави.

Преку програмата за рурален развој и мерката за набавка на добиток, И.З Алек Дај добива финансиска поддршка за набавка на 30 високостелни говеда од расата Симентал кои се увезени од Чешка.

Оваа набавка е поддржана од АФПЗРР со ко-финансирање на % од вкупно направените трошоци или 3.3 милиони денари.

Со зголемувањето на своето стадо со педигрирани говеда, оваа семејна фарма добива нов генетски потенцијал со кој ќе се зголемат количините и квалитетот на произведено и предадено млеко и ќе се добие свежо и квалитетно говедско месо.

Дополнително, И.З Алек Дај е корисник и на директните плаќања за производство на житни култури, за одгледување на говеда, за произведено и предадено млеко како и за заклани говеда во преработувачки капацитет, објави директорот на Платежната агенција Никица Бачовски.