ВестиМакедонија
ХЕС “Црн Дрим” инсталираше автоматска хидрометеоролошка станица за мерење на нивото на котата на Охридско Езеро
Станицата ќе мери уште 30 директни и 15 индиректни метеоролошки параметри (количина на врнежи, снег, температура на водата, температура на воздухот, испарување, ветар и друго), потребни за хидролошки анализи.
ХЕС “Црн Дрим” инсталираше автоматска хидрометеоролошка станица за мерење на нивото на котата на Охридско Езеро. Станицата ќе мери уште 30 директни и 15 индиректни метеоролошки параметри (количина на врнежи, снег, температура на водата, температура на воздухот, испарување, ветар и друго), потребни за хидролошки анализи. Станицата е од германскиот производител ОТТ и претставува најсовремен тип на хидрометеоролошка станица на Балканот. Мерењето на параметрите е на радарски принцип.
-Котата на Охридското Езеро претставува еден од основните параметри за бaлансирање на производството на ХЕЦ Глобочица и ХЕЦ Шпилје. Со цел осовременување на овој процес поради транспарентност и во интерес на граѓаните, поставени се две информативни табли (дисплеи) за приказ на нивото на водата во Охридското Езеро, температура на водата во езерото и температура на воздухот. Овие табли се поставени на Управната зграда на ХЕС Црн Дрим во Струга и зградата од Министерството за одбрана, во близина на истекот на реката Црн Дрим од Охридското Езеро. Ажурирањето на податоците е автоматски од мерењата на хидрометролошката станица на секои 15 минути – информира Сашо Коркут, директор на АД ЕСМ, Подружница ХЕС “Црн Дрим”. Коркут јавно се заблагодари на сите чинители кои беа дел од реализацијата на овој проект.
