Интервенции за подобрување на пристапноста до земјоделски површини во Росоман

Се интервенира за подобрување на пристапноста до земјоделски површини во општината, информираат од росоманската локална самоуправа.
-Се работи за активности за подобрување на пристапноста до земјоделските површини на месностите Бабина Глава и патот од мостот кај Крушевица спрема Сирково, покрај регионалниот канал за наводнување, како и проширување на локалниот пат за Крушевица, појаснуваат од општината.
Оттаму додаваат дека активностите се реализираат со финансиски средства од локалниот буџет и со сопствена механизација. Притоа ги повикуваат граѓаните, доколку има потреба од интервенција на други пристапни патишта, да пријават во просториите на општината Росоман.