вести

Исплатата на субвенциите закочена, се чека новата Влада

(Oвој напис е објавен на: март 4, 2017)

isplatata na subvenciite zakochena se cheka novata vlada

Исплатата на субвенциите закочена, се чека новата Влада

Исплатата на земјоделските субвенции за 2016 година веќе четери месеци е стопирана поради изборниот циклус. Со распишувањето на предвремените парламентарни изборни што се одржаа на 11-ти декември лани согласно Изборниот законик се стопираше и исплатата на субвенциите. Но изборите поминаа, исплатата не продолжи. Сега повторно законски се чека прво да се формира новата Влада па тогаш да се продолжи и исплатата на субвенциите за 2016-та. Ова е втор пат за седум месеци да се стопира исплатата. Првиот пат лани кога се закажаа па се одложија предвремените парламентарни избори во јуни, а потоа поради изборите кои се одржаа на 11-ти декември минатата година. Земјоделците велат дека знаат законски не смее да се исплаќаат субвенции додека не се формира новата Влада, но се револтирани што претходно не се исплатиле барем субвенциите за клучните земјоделски гранки.

„Они знаеја дека на 11-ти декември ќе има избори, зошто претходно не ги исплатија? Ние знаеме дека законски не може сега и за време на избори и кампања, но се прашуваме како тогаш актуелнава власт може да се задолжува кај банките и да зема пари за непродуктивни работи? Ние сега зависиме практично од тоа кога ќе се формира новата Влада. А што ако во догледно време не се формира, што ако има избори, што ќе правиме тогаш? Годинава има и локални избори значи пак ќе стопираат со исплата и кој знае кога ќе ни ги исплатат. Нас тие субвенции ни се потребни за  производството, да се покријат веќе направените трошоци. Нас ни беа потребни поради претрпените штети во производството од ниските температури и од снегот од кој се унштија цели конструкции на пластениците. Ние сме единствената гранка која произведува и тие не можеа да смогнат сили да ни ги исплатат претходно иако го знаеја датумот за избори.Според моите информации не се исплатени голем дел од субвенциите за растително производство. Се ова ќе влијае на производството, а ќе има помало производство и ќе трошиме повеќе пари за увоз“, вели Ристо Велков од Сојузот на синдикати на земјоделци.

Од Асоцијацијата на земјоделци велат дека субвециие им се потребни на земјоделците,но оти законите треба да се испочитуваат.

„ Од Министерството за земјоделство кога прашавме ни кажаа дека законски не може сега да се исплаќаат субвенциите односно дека треба да чека да се формира новата Влада. Сите знаеме дека на земјоделците им се потребни овие субвенции, но законот вели дека не може сега да се исплаќа, не ни преостанува ништо освен да чекаме да се формира новата Влада“, вели Ефтим Шаклев од Асоцијацијата на земјоделци.

Од Агенцијата за финансиска поддршка на земјоделството и руралниот развој, посочуваат дека поради изборниот циклус и исчекувањето на новата Влада роковите за исплата се пробиени.

„Согласно Изборниот законик исплатата на субвенции се запира 20 дена пред почетокот на изборната кампања односно 40 дена пред денот на изборите, па се до формирањето на нова Влада по изборите. Од тие причини не сме во можност да вршиме исплати сеуште, ниту пак бевме во можност да го почитуваме Календарот на исплати“, велат од Агенцијата.

А токму земјоделците како најверно гласачко тело и исплатата на земјоделските субвенциите и во овој изборен циклус беа во фокусот на програмите на двете најголеми политички партии ВМРО-ДПМНЕ и СДСМ. И двете партии ветуваа милионски суми за поддршка и развој на земјоделството. ВМРО-ДПМНЕ лицитираше со 600 милиони евра за директна поддршка за земјоделството за четери години, а СДСМ ветуваше 640 милиони евра за четери години.

Од субвенциите за 2016 година исплатени се 34,1 милиони евра

Од вкупната сума предвидена за директни плаќања во земјоделството за 2016 година во износ од 89,7 милиони евра, досега се исплатени нешто повеќе од 34,1 милиони евра.

„Од Програмата за 2016 та исплатен е тутунот, дел од поледелските култури, дел од лозовите насади, млекото и штетите од поплавите во вкупна сума од  2.100.000.000 денари“, велат од Агенцијата.

Со Програмата за директни плаќања во земјоделството за 2016 година, првично беа планирани 102,7 милиони евра, но потоа со ребалансите на Буџетот, сумата се скуси на 89,7 милиони евра. За оваа година за директни плаќања се предвидени од 99,4 милиони евра. Но, дури 44,3 милиони евра, ќе бидат за заостанати исплати од претходните години. За Програмата за рурален развој за следната година се предвидени 36,5 милиони евра. Анализирано од 2007 година досега годишно се издвојуваат стотитици милиони евра за поддршка на земјоделството. Но податоците покажуваат дека планираната сума за директна поддршка на сите земјоделски гранки без руралниот развој, не може во целост да се искористи. Така според податоците од Националната стратегија за развој на земјоделството 2014-2020 година,  околу 30% од планираните средства со Буџетот во некои години не се исплаќале комплетно. Податоците покажуваат дека освен во 2008 и во 2009 година кога целата планирана сума била исплатена, во годините подоцна реализацијата е помала од планот.  Светска банка во еден од извештаите нотираше дека и покрај тоа што сумата за субвенциите се зголемува, ефектите се слаби поради погрешната распределба но и дека  исплатата на субвенциите посебено се интензивира пред секои избори.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close