Како да пиете, а да не се опијаните за Нова Година
Празничната сезона е полна со можности да уживаме во чаша варено вино, џин и тоник, шампањ или кој било друг алкохолен пијалок што го сакаме.
Ако не сте внимателни, можете многу брзо да почнете да се чувствувате весело, што значи дека алкохолот влијае на мозокот и телото. Веројатно знаете што значи да се разбудите со мамурлак, но дали некогаш сте се прашале што всушност му прави пијанството на вашето тело?
„Иако некои видови алкохолни пијалоци, како црвеното вино, содржат антиоксиданси, негативното влијание на алкохолот ги надминува неговите позитивни ефекти“, вели нутриционистот Сигне Сванфелд.
Британската национална здравствена служба (NHS) издаде препорака дека мажите и жените не треба да пијат повеќе од 14 единици алкохол неделно, распоредени во текот на три дена или повеќе. Единиците за пијалоци може да се пресметаат со помош на равенката: процент на алкохол (%) x количина на пијалок (ml) / 1000 = единици алкохол.
„Преголемото количество алкохол го зголемува ризикот од рак и кардиоваскуларни болести. Алкохолот исто така може да го зголеми крвниот притисок и да биде штетен за секој орган во телото, вклучително и желудникот и црниот дроб“, додава Стеф Кинан од добротворната организација за алкохол и ментално здравје With You.
Оштетување на црниот дроб, дебелеење…
Прекумерното пиење алкохол му штети на црниот дроб на два начина – првиот е тоа што доведува до цироза, а вториот е што може да предизвика таложење на маснотии во овој орган.
„Цирозата значи дека црниот дроб има лузни кои ги заменуваат здравите клетки и поради тоа црниот дроб се мачи да работи правилно. Болеста на замастен црн дроб може да го спречи црниот дроб да работи правилно“, истакнува нутриционистот Роб Хобсон.
Покрај тоа, алкохолот е калоричен, што значи дека може да предизвика зголемување на телесната тежина. Кај мажите тоа значи таложење на маснотии на стомакот, што е фактор на ризик за развој на кардиоваскуларни заболувања,
„Дополнително, зголеменото пиење алкохол го зголемува ризикот од повреди и заразни болести, особено респираторни болести“, тврди Кинан.
Кога пијат, некои луѓе се повеќе склони кон ризично однесување и често не се сеќаваат на тоа наутро. Алкохолот предизвикува и проблеми со спиењето, а влијае и на емоциите. Поради тоа луѓето кои се чувствуваат депресивни често пијат, но алкохолот само ги продлабочува таквите емоции, предупредуваат експертите.
