Каракашев го повикува Трипуновски да даде производни цени за пченицата и јачменот

ПОВТОРНО ОБИД ЗА ГРАБЕЖ НА ЗЕМЈОДЕЛЦИТЕ

Ѓорги Каракашев, претседател на Национална земјоделска мрежа со апел

Почитувани полјоделци! Согласно Законот за земјоделие и рурален развој пченицата и јачменот спаѓаат во категорија на стратешки култури за државата.

Доколку дојде до нарушување на пазарот, односно откупната цена е помала од производната цена, согласно Законот, државата е задолжена да ги заштити овие култури. Во конкретниот случај Министерството за земјоделие е должно да побара да се изготват производни цени согласно научните методологии на референтни научни институции и врз основа на нив се определува заштитна односно минимална загарантирана цена што е за 25% над производната цена на кг житарица.

Како Национална земјоделска мрежа јавно го повикуваме Министерството за земјоделие да излезе со официјални производни цени за пченицата и јачменот, јавно да ги објави и да постапи согласно позитивните законски прописи.

Напоменуваме дека повикувањето на откупните фирми на берзанските цени во нашата држава не важат, бидејќи ова материја е строго дефинирана и уредена со Закон за земјоделие и рурален развој како и Законот за стокови резерви. Се надвор од ова е груба манипулација и злоупотреба на законите.

Со почит Ѓорги Каракашев