Каракашев-Сојузот да излези со пресметката за тутунот за 2024 година

Почитувани тутунопроизводители

Според дискриминаторскиот Законот за тутун 29 февруари беше последниот законски рок според кои откупните фирми во претходните пет дена ги имаа истакнато на своите огласни табли и доставено како предлог договори до Сојузот на земјоделски здруженија. Повикувајки се на Член 13 и Член 14 од Законот за тутун откупните фирми максимално и на највулгарен начин ја искористуват монополската позиција која им ја нуди Законот за тутун.

Како Национална земјоделска мрежа ЈАВНО ги повикуваме безусловно и најитно да излезат со аргументирана пресметковна вредност околу начинот на кој тие ја имат утврдено производната, но и економската откупна цена на кг. тутун за реколтата 2024 год.  Доколку се оглушуват на нашите оправдани барања за реално утврдување на производните и економските откупни цени со целосна вклученост на нас како тутунопроизводители и трет социоекономски партнер ние Силно и недвосмислено ќе се спротиставиме на повторниот обид на грабеж на тутунарите и нашиот макотрпен труд. Времето на манипулации било од која страна е минато свршено време. Ние како Националната земјоделска мрежа НЕ СЕ СОГЛАСУВАМЕ И НЕ ГИ ПРИФАЌАМЕ ПОНУДЕНИТЕ ОТКУПНИ ЦЕНИ И УСЛОВИ ВО ДОГОВОРИТЕ. Почитувани доколку овие денови од страна на откупните фирми не се искаже подготвеност за соработка во наредниот период ќе формираме широк фронт на отпор и еднаш за секогаш да ставиме крај на ова современо ропство.

Ѓорги Каракашев