Љупчо Николовски доби мед од Атиџе

Министерот за земјоделство Љупчо Николовски ја посети  Атиџе од „Медена земја“ во нејзиниот дом во Дорфулија.

„Многу слушнавме за нејзиниот тежок живот, за нејзината љубов кон пчелите и природата, но и за перспективите кои се отворија откако народот, светот, дозна за неа“, напиша Николовски на социјалните мрежи.

Пред две години хуманитарци ја реновираа куќата на Атиџе, позната по традиционалниот начин на производство на мед.

Николовски денеска беше во посета на Општина Лозово заради промовирање на земјоделски мерки.