вести

Ќе ја покори ли ГМО цела Европа?

(Oвој напис е објавен на: март 22, 2018)

gmo

Европската комисија со телата за антимонополска регулација му даде одобрување на германскиот фармацефтски гигант Bayer да ја преземе компанијата Monsanto која е злогласена по наметнувањето на ГМО семиња на земјоделците со цел полесно да ги продава своите пестициди и хемиски препарата кои се точно создадени и креирани за целосна контрола над агроиндустријата на производство на храна.

ЕК смета дека договорот кој Bayer и Monsanto го склучија пред две години нема да ја наруши конкуренцијата на пазарот иако на овој начин ќе се формира една гигантска корпорација со огромна моќ.

Bayer плати неверојатни 62,5 милијарди американски долари за преземање на Monsanto со што ќе има контрола над огромен број на нови земјоделски семиња, пестициди како и на хемиски препарати, но порача дека нема да го наметнува ГМО производството во Европа.

Bayer исто така беше задолжен за над 5 милијарди евра да му продаде семиња и дигитална база на податоци за агрикултура на најблискиот конкурент BASF со цел да се спречи негово целосно доминирање на пазарот, како и создавање на услови за развој и на останатите компании.

Кај многу корисници и еко активисти постои голема загриженост дека и остатокот од Европа ќе биде преплавена со ГМО семиња, додека пак земјоделците стравуваат дека ќе им биде наметната ваква пракса со се поголемото ширење од околните посеви кои потоа ги „заразуваат“ нивните ниви и посеви кои потоа ќе мора да се променат и подлежат на пестицидите на Monsanto.


 

фактор.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close