вестиТоп вести

Косовските власти со засилени контроли за македонското брашно- мелничарите трпат штети

(Oвој напис е објавен на: февруари 21, 2019)

Македонското брашно заглавено на косовскиот царински терминал. Почнувајќи од 10 јануари, Косово врши дополнителни контроли на секоја вреќа брашно што ја увезуваат од Македонија. Се сомневаат дека се работи за реекспорт од Србија. Прават и дополнителни анализи на квалитетот на брашното. Поради тоа камионите чекаат и по десетина дена, што е на штета на мелничарите.

“За камион кој што би стоел товарен на царински терминал превозниците бараат авто-ден по 100 евра на ден. Значи, ако стои камионот 8 дена, тоа се 800 евра. И дополнително по 40 евра е царинскиот терминал на ден, тоа е веќе 1.200 евра. Да се држат камионите вештачки за да се зголемат трошоците, фактички да стане брашното неконкурентно, тоа не е во ред”, вели Горан Малишиќ, претседател на Групација за мелничко-пекарската индустрија при Стопанска комора на Македонија.

Мелничарите побарале помош и од власта. Тие не се противат на дополнителните контроли, туку на застојот во транспортот. Министерот за економија го потврди проблемот, но посочи дека ниту еден камион не бил вратен.

“Веќе имав состанок со производителите на брашно од Македонија и веднаш стапив во контакт со колегите од косовска страна за да се разреши овој проблем и добив ветување дека за некое време тоа ќе се направи”, вели Крешник Бектеши, министер заекономија.

Од Царинската управа информираат дека на граничниот премин Блаце (од наша страна) нема застој при извоз, а за тоа што се случува на косовска страна немаат информација.

Косово пред 3 месеци воведе 100% царини за увоз на српски производи. Српскиот министер за трговија, Љајиќ, изјави дека одредени производи од таму преку алтернативни патишта влегуваат на косовскиот пазар. Ја посочи и Македонија. Мелничарите од земјава тврдат дека тоа не е случај со брашното, но дури и да има има такви примери, за тоа постојат казни, а стоката не треба да се задржува.

Според податоците извозот на брашно лани изнесувал 672.000 евра и речиси целата количина е извезена во месец ноември и декември по воведување на царините во Косово кон српските производи.

На ваквиот потег реагираа и Европската Унија и САД, но косовскиот премиер изјави дека нема да ја укине царината се додека Србија не го признае Косово.

 


 

sitel

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close