Лош откуп и денеска, се жалат тутунарите

Лошо тече откупот на тутунот денеска, се жалат тутунари на ФБ групата „Македонски тутунари“ од повеќе места од државата. Прва рака тутун се цени 4 класа, малку поголем чист тутун 3 класа, ‘врвот’ дел втора дел 3 класа. Особено се незадоволни од приватните компании за откуп, а наведуваат дека нешто подобар е Тутунски комбинат Прилеп. Пресметките што ги објавуваат потврдуваат дека најголем дел од пакетите им се ценат со 4 и 3 класа.  Некои велат дека тутунот им се купува од 105 до 110 денари за килограм, тоа  како што наведуваат е под реалната цена. Дел од тутунарите дома си ги враќаат пакетите.

-Резил,

-Во Житоше од лошо полошо,

-Уште полошо се цени во Демир Хисар,

-Има резултати сега  е бетер, коментарираат тутунарите.