Мора да има транспарентна формула за пресметка на откупната цена на тутунот, барањата за измени на Законот за тутун доставени до Владата

Денес официјално се доставени барањата за измени на Законот за тутун, производи од тутун и сродни производи до Владата и до МЗШВ од страна на здружението „Тутунари – Земјоделци Могила“.

Иницијативниот одбор, во соработка со повеќе тутунски и земјоделски здруженија, со стручни лица од областа, како и со активни производители на тутун, согледувајќи ги долгогодишните проблеми при откупот на тутунот кои континуирано се повторуваат секоја реколта од 2019 година наваму, ги предлага следните измени на законот. Овие барања се официјално доставени до Владата и до Министерството за земјоделство, шумарство и водостопанство (МЗШВ):

1.Целосна забрана за увоз на сиров, необработен тутун.

2.Прогласување на тутунот за историско-културно наследство (национално благо).

3.Воведување јасно дефинирана и транспарентна формула за пресметка на просечната откупна цена. 4.Линеарна (директна) поддршка во висина од 100 денари за секој произведен и предаден килограм тутун (субвенција).

5.Воведување обврзувачко мислење од највисоката асоцијација на тутунопроизводители при носење одлуки поврзани со откупот.

6.Строг институционален надзор и еднакви правила за сите тутунопроизводители во целиот процес на откуп.

Барањата се доставени во име на здружението „Тутунари – Земјоделци Могила“.