Намирници кои не смеат да чуваат во замрзнувач
Јогуртот е една од намирниците што никако не смеете да ја ставате во замрзнувач. Замрзнувањето ќе ја уништи познатата текстура, а истото може да се случи и со пробиотските култури кои го прават јогуртот суперхрана.
Згодно е да се стави нешто во замрзнувач, а по потреба само да се стопи, на пример, десерт во микробранова печка и да се послужи на гостите или семејството.
Но, без разлика што ќе ставите во замрзнувачот, треба да знаете колку долго таа храна или јадење може да остане таму.
Млечните производи се високо на таа скала. „Генерално, млечните производи и производите со висока содржина на масти не се замрзнуваат добро“, предупреди Палак Пател, готвач во Институтот за кулинарско образование Марта Стјуарт.
„Кога ќе замрзнете храна или јадења што содржат млечни производи, маснотиите ќе се одвојат од течноста. Полошо од тоа е згрутчувањето“.
Ако го замрзнете млекото, најверојатно ќе го промените неговиот вкус и текстура. Млекото сепак ќе биде добро за готвење, но не толку добро за пиење. Млечните производи се шират додека се замрзнуваат, па затоа мора да внимавате да ги ставите во соодветен сад – не ги чувајте во замрзнувач во нивната оригинална амбалажа.
Кога станува збор за замрзнување сирење и кашкавал, факт е дека некои сирења подобро се справуваат со студот од другите. Полумеките сирења како моцарела и благиот чедар се чуваат добро во замрзнувачот, особено ако претходно биле исечени на помали коцки.
Од друга страна, тврдите и полутврдите кашкавали како стар чедар или пармезан стануваат ронливи кога се замрзнат и го губат својот вкус. Екстремно меките сирења како свежо сирење, бри и рикота не треба да се чуваат во замрзнувач.
Јогуртот е една од намирниците што никако не смеете да ја ставате во замрзнувач. Замрзнувањето ќе ја уништи познатата текстура, а истото може да се случи и со пробиотските култури кои го прават јогуртот суперхрана.
Истото е и со кремот: неговото замрзнување може да влијае на неговата употреба откако ќе се одмрзне.
„Можете да замрзнете само крем кој има 40 проценти или повеќе маснотии“, препорачува Џули Гарден-Робинсон од Државниот универзитет во Северна Дакота.
Кремите со малку маснотии не замрзнуваат добро. Замрзнатиот крем нема да се измати до вообичаениот волумен, па може да го промени успехот на рецептот, пишува Ферозан Маст за порталот Best Life.
