Недостигот од работна сила го ограничува производството на компаниите
Македонија се соочува со сериозен недостиг од квалификувана работна сила, а најдобар показател за тежината на овој е проблем е најновата анкета на Државниот завод за статистика за тенденциите во преработувачката индустрија.
Во неа, менаџерите на компаниите одговориле дека најголемо влијание врз ограничувањето на обемот на производството има недостигот од квалификувана работна сила со 23,3 проценти, недоволната домашна побарувачка со 17,2 проценти, недоволната странска побарувачка со 17,1 проценти и неизвесното економско опкружување со 11,1 проценти.
Ваквите податоци треба да бидат аларм за носителите на економските политики со оглед на тоа што е извесно дека доколку на претстојниот референдум се изгласа зачленување во ЕУ и НАТО, македонскиот пазар на труд ќе доживее силен удар манифестиран преку бран иселувања пред се на млади лица кои ќе можат легално да работат во некоја од европските земји со македонски пасош.
Доказ за тоа се трендовите во земји како Бугарија и Романија каде што откако беа отворени вратите на европскиот пазар на труд стотици илјади граѓани заминаа на работа во некоја од земјите од ЕУ.
