Нема повеќе поевтини цигари: Фри-шопот на Евзони ја укина продажбата на тутун
Фри-шопот на граничниот премин Евзони ја укина продажбата на цигари и тутун од 31 декември 2025 година, поради израмнување на цените и регионални мерки против шверцот.
Фри-шопот на граничниот премин Евзони ја укина продажбата на цигари и тутун од 31 декември 2025 година, поради израмнување на цените и регионални мерки против шверцот, објави Независен.
Патниците кои со години купуваа цигари и тутун од фри-шопот на граничниот премин Евзони отсега ќе останат без таа можност. Според информации од медиумите во соседството, од 31 декември 2025 година е прекината продажбата на овие производи во продавницата на преминот.
Изгубена ценовна предност
Надлежните институции појаснуваат дека цигарите и тутунските производи се повлечени од понудата затоа што нивните цени речиси целосно се израмниле со оние во Грција. Со тоа, фри-шопот ја изгубил клучната предност што со години го правеше атрактивен за патниците.
Усогласување на акцизите и борба против шверцот
Фри-шопот во Евзони долго време важеше за омилена дестинација за купување поевтини цигари и тутун, но со новата состојба ваквата разлика повеќе не постои. Одлуката е дел од пошироките регионални напори за усогласување на цените на акцизните производи и зајакнување на борбата против шверцот и нелегалната трговија со тутун. Патниците кои ќе поминуваат преку овој граничен премин ќе мора да се прилагодат, бидејќи финансискиот мотив за вакви купувања повеќе не постои.
