вести

ОРГАНСКАТА ХРАНА НЕДОВОЛНО ПРИСУТНА ВО МАКЕДОНСКИТЕ МАРКЕТИ

(Oвој напис е објавен на: март 13, 2018)

organska

И покрај тоа што во Македонија се регистрирани над 500 производители на органска храна, мала е понудата на домашни органски производи во супермаркетите. Ова е една од заклучоците на средбата што ја одржаа Организацијата на потрошувачите на Македонија (ОПМ), Асоцијација „Зенит“ и Здружението „Медиа Плус“ во Стопанската комора на Македонија.

На средбата учествуваа претставници на трговските ланци „Веро“, „Тинекс“ и „Рамстор“, како и од Агенцијата за храна и ветеринарство.

Според ОПМ, трговските ланци покажуваат се поголем интерес за пласман на органски производи, пред се заради барањата на потрошувачите, особено младата популација.

– Веќе неколку години ги едуцираме потрошувачите дека органската храна е побезбедна за консумирање и нејзиното производство помалку ја загадува животната средина, велат од ОПМ.

На средбата беше утврдено и дека треба да се зголеми контролата на пазарот за да се гарантира дека она што се продава како органска храна ги задоволува стандардите и правилата на органско производство. Потребна е и поддршка на производителите  од страна на трговците или на државата за нивна поголема застапеност во малопродажбата преку промотивни акции и соодветно истакнување на македонскиот знак за органски производи со цел потрошувачите да го препознаат.

Во дискусијата беше детектиран и  проблемот со  немањето  откупни центри за органска храна, малите произведени количини, како и променливоста на изгледот и квалитетот на свежите производи и флуктуација на цените.

– Проблемите останува да се решаваат преку мерките за унапредување на органското производство. Се очекува состојбата да ја подобри и најавениот кластер за органски производи, истануваат од ОПМ.

Средбата ја поддржа проектот „Преминете на органско – потрошувачите во центарот на земјоделската политика“ со средства од ЕУ преку програмата „Одржливо земјоделство за одржлив Балкан“. Со оваа иницијатива беше изработена апликација за мобилни телефони и интерактивна мапа „Органски пат“, со план за патување за посета на центри за производство на органска храна во Македонија, продавници, ресторани и сместувачки капацитети кои имаат органски производи во својата понуда.


 

локално.мк

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close