Оризопроизводители од нивите на улица- бараат повисока откупна цена

Ниската откупна цена на оризот и  арпата, зголемените цени на репроматеријалите пред самиот старт на жетвата ги вади кочанските оризопроизводители од нивите на улица. Во амбарите стои една четвртина од ланската реколта, наместо да почнат со жетва во вторник ќе го блокираат патот Штип Кочани.

Оризопроизводителите велат дека во моментов цената на арпата е од 15 до 18 денари, а цената секогаш им паѓа кога добиваат субвенции. Сметаат дека откупувачите манипулираат и бараат заштита од државата. Меѓу барањата се забрана на увоз на ориз, за да се заштити домашниот кочански ориз и да се дефенира произведна цена.

Во изминатите две години петпати е блокиран патот Штип-Кочани од страна на оризопроизводителите. Ги повикаа актуелните пратеници од третата изборна единица, но и првите луѓе од власта да дојдат и да им ги слушнат барањата.https://telma.com.mk/2021/09/16/