Двор и градина

Основна обработка на почвата

(Oвој напис е објавен на: март 4, 2017)

 

osnovna obrabotka na pochvata

Основна обработка на почвата се врши со цел да се припреми ораничниот слој за културата која ќе се одгледува на дадената површина. Со основната обработка почвата се ситни, се дроби, почвата се разровкува, се продлабочува ораничниот слој, се создаваат поволни услови за пристап на воздух, вода, топлина, хранливи материи и др. Се врши заорување на растетилните остатоци со цел истите побрзо да се разложат и како еден вид органска материја да ја збогатат почвата. Со основната обработка исто така се врши и заорување на органските и минералните ѓубрива кои во овој период се внесуваат во ораничниот слој, се со цел да се раложат на хранливи материи кои ќе бидат достапни за културите кои ќе се засеат и ќе овозможат нивни понатамошен нормален развој и развиток. Со основната обработка се уништуваат добар дел од плевелите и се спречува прекумерно губење на влагата од почвата. Со оваа обработка се враќаат и подобруваат добрите особини кои почвата ги изгубила со претходниот посев, се подобруваат физичките својства и биолошките процеси.

Најчест начин на основна обработка на почвата е орањето и во овој период е таканаречено летно орање. Летното орање се изведува во период јуни-септември. Може по прибирањето на претходната култура да се изврши заорување на стрништето, а потоа да се примени орањето. Во друг случај орање може да се изврши веднаш по жетвата. Во овој период треба да се внимава орање а исто така и заорување на стрниште да не се извршуваат ако почвата е многу сува и збиена, зашто орањето нема да го даде потребниот ефект. Ќе се создадат големи грутки и тоа доведува до нарушување на структурата на почвата. На многу сува почва за да се изврши орање добро е да чека појава на врнежи од дожд. Најдобро е орањето да се изведува при умерена содржина на влажност. При тоа влечниот отпор е најмал, пластовите лесно се мешаат и се дробат на помали грутки. Орање на почвата веднаш по жетва без да се примени заорување, дозволено е да се примени кај почви на кои има доволно влага. Орањето треба да се изврши на длабочина од 20-25 см, ова е длабочина која одговара за есенските култури кои треба да се засеат. За период кој следи средина на септември се препорачува да се започне со есенското орање. Ова орање се однесува на култури кои ќе се засеат во пролет. Целта на ова орање е почвата да ја прими и сочува зимската влага за потоа во текот на пролетта полесно да се изврши предсеидбената обработка на површината. Есенската обработка- орање на почвата треба да се изврши пред есенските обилни дождови за да не се дозволи создавање на водолежи. Длабочината на орањето треба да биде 20-25 см, за окопни, некои фуражни култури, луцерка, компир длабочината пожелно е да биде 25-30 см. Ако на некои површини повеќе години се одгледува пченка тогаш длабочината на орањето треба да биде 30-35 см.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close