Ако виното е “нектар на боговите”, тогаш францускиот Бордо е место каде што ќе се чувствувате како да сте зачекориле во рајот. Градот бил формиран како келтска тврдина во третиот век, кога била наречена Бурдигала. Бордо се наоѓа на само 45 километри од заливот Бискеј на Атлантикот, каде поминуваат важни трговски патишта со векови, па се развива како трговски центар. Денес е главен град на Нова Аквитанија и Жиронд департментот, кој важи за најдобар вински регион восветот. Винското грозје се одгледува во овој регион од времето на античките Грци, но за масовен развој на винската индустрија, Бордо може да заблагодари, верувале или не, на Англичаните и на една жена. Елинор од Аквитанија (1122. -1204.) била една од најбогатите и најмоќни жени во Западна Европа во средниот век. Само на 15 години се омажи за
престолонаследникот кој подоцна стана крал Луј VII. Таа родила две ќерки, па дури и откако не родила син по 15 години, бракот бил откажан. Осум недели подоцна, Елинор се омажи со Хенри, кој стана крал Хенри II од Англија две години по нивниот брак. Таа на англискиот двор донела вино од родното Бордо, кое размазеното англиско благородништвото го прифатило со одушевување. Трговијата со вино доведе до големо проширување на лозовите насади во целиот регион на Аквитанија. И покрај војните, производството на вино во Бордо напредува со векови. Проширувањето кое продолжува и денес, започна во 18 век, кое исто така е познато како Златното доба на Бордо. Денес, овие вина се извезуваат во повеќе од 150 земји низ светот. Најпознати се Cabernet Sauvignon, Merlot i Cabernet Franc. Многу ценети и исклучително скапи Château Petrus кој е направен од сорти на грозје мерло и доаѓа од областа на Померол. Петрус е едно од најскапите
вина во светот, а само едно шише чини околу 1.000 евра. Ако виното е постаро од петнаесет години, цената се удвојува или тројно зависи од годината на берба на грозје.
Регионот Бордо се протега над 115.000 хектари лозови насади и е поделен меѓу 10.000 производители. Се проценува дека годишното производство е над шест милиони хектолитри вино. Регионот се наоѓа во југозападниот дел на Франција, и самиот Бордо е на брегот на реката Гарона, кој во овој дел од брегот изгледа како срп и е град со векови бил познат како Месечево пристаниште. Денес, Месечевото пристаниште е друго име за историскиот центар на Бордо, кој е под заштита на УНЕСКО. На левиот и десниот брег на реката се наоѓаат најдобрите лозја. На неколку километри низводно од центарот на градот реката Гарона се состанува со реката Дордоња и гради залив према отворено море, познат како заливот Жиронд, кој е долг околу 70 километри и се протега од Атлантскиот брег на околу 100 километри во внатрешноста.
Зошто е тоа важно? Бидејќи во оваа област постојат различни типови на почва богата со песок, која обезбедува идеални услови за одгледување на различни видови на винова лоза, а високите температури поттикнуваат силен раст. Климата е умерена со топла Голфска струја воздух која ја загрева целата област.
Поради ова, овој регион е ретко погоден од пролетни мразови, а грозјето зрее до октомври. Единствениот проблем е високата влажност и честите дождови што доаѓаат од Атлантикот, кои не влијаат премногу на лозјата и на грозјето. Реката Гарона е исклучително важна за овој регион, не само за вода. На левиот брег се одгледуваат видови на грозје од кои се прават тешки црвени вина. На самиот југ од левиот брег се одгледуваат бели видови на грозје од кои се прават исклучителни и десертни бели вина. Десниот брег на реката е познат по производството на помеки, побистри, поелегантни вина. Гаранциите за квалитетот на виното имаат одлучувачка улога во градењето на меѓународниот углед на виното од Бордо. Првата класификација беше направена во 1855 година, на барање на Наполеон III, кој побара да се потврди совршенството на виното од Жиронда. Овој систем се уште е валиден и денес а од
1973 година, вината од Бордо се заштитени со географска ознака. Ова значи дека виното мора да се произведува во сопствените лозја, дека мора да се остави во подрумот во барел, а вината се поделени во пет категории од Premier Grand Cru do Cinquime Grand Cru..
Бордо има уникатна трговска структура, позната како La Place de Bordeaux. Најдобрите вина не се продаваат директно, туку на препродавачи кои потоа продаваат вина. Трансакциите меѓу преговарачите и производителите се регулирани од страна на брокери кои добиваат надомест, обично два проценти од вредноста на виното. Инаку, вината од овој регион се во името на „Chateau“ (замок), бидејќи во секој лозов насад во Бордо има замок или фарма наречена Chateau. Црвените вина од Бордо англиски се нарекуваат Claret.
И каде е виното,тука е храна. Зголемувањето на производство на вино беше проследено со развојот на гастрономијата, под влијание на Шпанците од југ, континентална Франција и англичаните од север. Кујната на Бордо во основа се базира на месо и дивеч со силни и тешки сосови. Тие се исто така познати по тартуфи, остриги, врвни сирења, но главната ѕвезда на локалната кујна се паштети од гуски и пајки. Заедно со сето ова чаша добро вино е врвот на задоволство за најпребирливите хедонисти кои доаѓаат во Бордо.
Валентина Соколовска
за Зелена берза
