Петнаесет лица од Кавадарци и Росоман аплицирале за поддршка како млади земјоделци

(Oвој напис е објавен на: November 14, 2018)

Петнаесет лица од Кавадарци и Росоман аплицирале за финансиска поддршка како млади земјоделци, преку националната програма за рурален развој.
Советникот во Подрачната единица на Агенцијата за поттикнување на развојот во земјоделството од Кавадарци, Драган Николов информира за МИА дека станува збор за млади лица кои сакаат да ги унапредат своето производство и преработка.
-Се работи за по две апликации што се однесуваат на лозаровинарство и сточарството, како и 11 барања за поддршка во пчеларството. Сите оние кои ќе ги исполнат условите од јавниот повик, ќе добијат најмногу по десет илјади евра помош од државата, појасни Николов.
Тој нагласи дека како подрачна единица, секогаш стојат на располагање на земјоделците од двете општини, со информации, совети и едукација.


 

vecer

Share Button