вести

Пограничен проект на Македонија и Бугарија за чист воздух

(Oвој напис е објавен на: март 4, 2017)

pogranichen proekt na makedonija i bugarija za chist vozduh

Проблемот со загадувањето на воздухот и јаглеродните емисии во пограничниот регион со Бугарија ќе се решава преку проектот„ Заедничка интегрирана политика за нискојаглеродна економија во прекуграничниот регион“.

Проектот ќе се имплементира 15 месеци и е поддржан со 105 илјади евра преку ИПА програмата за прекугранична соработка.

Како што рече Јасминка Пашалиска – Андоновска од Центарот за лековити билки „Амброзија“ од Пехчево, ова е пионерски проект за решавање на проблемот со загадувањето на воздухот во Пехчево, Берово, Виница и Делчево од македонска страна и во Благоевград, Сандански, Кресна Симитли и Струмјани од бугарска.

– Во сите овие девет општини досега немало мерни единици кои ќе ни покажат дали има и во колкава мерка е загадувањето на воздухот. Преку активностите од овој проект планираме да направиме детална анализа на јалгеродните емисии, мониторинг на воздухот во сите годишни времиња. Овде досега не се вршени никакви мерења на загаденоста и очекуваме да добиеме реални податоци за вистинската состојба, рече Пашалиска – Андоновска на промоцијата на проектот.

Сите структури од овие девет општини вклучени во проектот, рече, ќе изготвуват заеднички стратешки документ.

– Треба да се донесе стратешки документ за нискојаглеродна политика кој во иднина ќе биде рамка за следните активности на локалните власти, бизнис секторот и невладините организации со цел заеднички да придонесеме за намалување на јаглеродните емисии, додаде Пашалиска – Андоновска.

Генералната цел на проектот е заштита на животната средина и одржливо користење на заедничките природни ресурси во пограничната област.

Според Ѓорѓи Бојков од  Кластерот на  Обновливи извори на енергија, Благоевград, идејата е претставниците на општините, невладиниот сектор и бизнисот, да отворат дебата, да бараат насоки, начини и решенија на овој проблем. – Овој проблем го има, тоа е документирано и е факт, но прашање е како да го решиме овој проблем, рече Бојков.

Активностите кои ќе се преземаат ќе завршат со дебата и со вклучување експерти од оваа област.

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close