Агро бизнисБез категоријаВестиМакедонијаТоп вести
Променливо облачно со сончеви периоди. Какво време не очекува до петок
Во попладневните часови ќе има локална појава на нестабилност со пороен дожд, грмежи и засилен ветер.
Под влијание на влажна и нестабилна воздушна маса до четврток времето ќе биде променливо облачно со сончеви периоди, а во попладневните часови ќе има локална појава на нестабилност со пороен дожд, грмежи и засилен ветер. Денес и утре наместа процесите ќе бидат поинтензивни во форма на невреме, проследени со пороен дожд (за кратко време поголема количина), грмежи, силен ветер (над 60 км/час) и услови за изолирана појава на град.
Во Скопската Котлина времето до четврток ќе биде променливо облачно со сончеви периоди, а во попладневните часови ќе биде нестабилно со пороен дожд, грмежи и засилен ветер. Во делови од котлината ќе има услови за појава на краткотрајно невреме, особено денес и утре.
