вести

Пријавување за субвенции на плати за овчарите

 

prijavuvanje za subvencii na plati za ovcharite

Овчарите можат да конкурираат за субвенционирање на платите во висина до 80 проценти од месечната бруто плата. Пријавувањето е во тек, а крајниот рок за поднесување на барањата е до 30-ти ноември.

За чување и пасење на овци, кози или говеда на ливади кои се наоѓаат на надморска височина поголема од 700 метри сточарите можат да поднесат барање за субвенционирање на платите.

Поддршката изнесува 80 проценти од просечната месечна брутоплата во оваа дејноста во периодот од први ноември 2015-та до 31-ви октомври оваа година.

Помошта е неповратна, а се добива за едно вработено лице на 150 овци, 50 кози или 80 говеда.

Максималниот износ е до 300.000 денари по лице за најмногу 20 вработени.

Право на користење имаат регистрираните земјоделски стопанства, а огласот ќе трае до 30-ти ноември 2016 година.

Оваа мерка се применува неколку години по ред и во просек се исплаќаат од 5 до 6 милиони денари годишно за да се задржат овчарите кои ги има се помалку за чување на македонските стада.

Тагови

Слични написи

Напишете коментар

Вашата адреса за е-пошта нема да биде објавена.

Back to top button
Close