Променливо облачно со повремен дожд, петок пороен дожд

Денеска нè очекува претежно облачно време, со магла по одделни котлини. Според Управата за хидрометеоролошки работи (УХМР), во текот на денот ќе има повремен локален дожд, особено во југозападните делови на земјата. Ќе дува слаб до умерен југоисточен ветер кој вдолж Повардарието краткотрајно ќе засилува.

Минималните температури ќе се движат во интервал од 0 до 8 Целзиусови степени, додека максималните ќе достигнат од 6 до 12 степени.

Времето во Скопје ќе биде променливи облачно. Во делови од котлината претпладне ќе има појава на магла, а во текот на денот услови за краткотраен дожд. Ќе дува слаб ветер од југоисток. Температурите ќе се движат во интервал од минимални 3 до максимални 12 степени.

Променливо облачно време со локален дожд УХМР најавува и за следните денови.

Во петок и за време на викендот врнежите наместа ќе имаат пороен карактер. Во недела и понеделник на планините и на некои повисоки места во северните делови врнежите ќе бидат од повремен снег.