вестиТоп вести

Санкции за манипулации при земање на субвенции

(Oвој напис е објавен на: февруари 23, 2019)

Околу 2 проценти од земјоделците кои бараат државна помош се обидуваат да го изиграат законот. Влегуваат во ризик за да добијат повеќе пари, а можат да се соочат со санкции од една или три години недобивање државна помош.

Од Платежната агенција информираат дека годишно се спречуваат малверзации до 2 милиони евра. Сепак, според директорот Бабовски, ова најчесто се случува поради недоволна информираност на земјоделците. Поради ова законот дозволува отстапки до 20 или 30 отсто од пријавените капацитети во зависност од тоа дали станува збор за сточарско или растително производство.

– Ако некој има декларирано 100 крави, а на лице место му недостасуваат или кога контролата ќе оди кај него и ќе врши контрола на ушните маркици и ако недостасуваат 40 крави, тогаш тој влегува во санкција, рече директорот на Платежната агенција, Николче Бабовски.

Тој информираше дека деновиве се исплатени околу 25 милиони евра државни субвенции за сточарите и за лозарите. Според него, земјоделците оваа поддршка ја добиваат тогаш кога им е најпотребно.

Посочи дека парите за мерката за одржување на овошните насади ќе се исплатат порано. Од опозицијата, пак, тврдат дека овој сектор никогаш не бил во поочајна состојба. Земјоделците се оставени на цедило, а руралните општини се заборавени.

– Да не заборавиме, концептот за субвенции го започна и водеше ВМРО-ДПМНЕ и тој функционираше се до паѓањето на земјоделството во немилост на луѓе кои воопшто не мислат на развојот на земјоделството и за маките на овие луѓе.


 

sitel

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close