Уставниот суд реши дека земјоделските субвенции може да се исплаќаат

Уставните судии ги укинаа одредбите од Изборниот законик со кои беше забранета исплатата на субвенциите за земјоделство до формирање на нова влада. Ова значи дека сега веќе нема никаква пречка за исплата за субвенциите за земјоделците за 2015 и 2016 година.

Од Уставниот суд велат дека одлуката е донесена поради тоа што сегашните законски одредби биле нејасни и спротивни на Уставот.

„По официјално објавување на одлуката на Уставен суд во Службен весник таа стапува на сила и Министерствотои за финансии ќе пристапи кон исплата на субвенциите согласно динамиката предложена од Агенцијата за финансиска поддршка во земјоделството и руралниот развој“, велат од Министерство за финансии.

Земјоделците седум месеци чекаат на субвенциите.

МКД