вести

Слаба продажба на овошје и зеленчук за Нова Година

(Oвој напис е објавен на: јануари 2, 2018)

pazar

Ниту гласна реклама на производите не помага продавачите на „Бит Пазар“ да ја зголемат потрошувачката на зеленчук и овошје. Продавачите велат, воопшто не се чувствува дека вечерва е дочекот на Новата Година. Иако цените се ефтини, купувачи речиси и да нема. Дел од продавачите велат дека од година во година е се полошо.

„Со плати и пензии од 12 илјади не може да купуваш се, и да ти останат пари за сметки.“

„Пред десет години овде не можеше да поминеш на денешен ден, Имаше народ, сите купуваа, имаа пари. Сега е катастрофа. Земјоделците се најутепани, ете цените ви кажуваат, ние не лажеме. Но народот нема пари.“

„Мислам дека оваа година беше тешка и лоша. Немаа луѓето пари, гледате и сами нема луѓе, Леб нема да јадат.“

„Па купуваат, за нова година купуваат што да прават. Кај мене подобро е оваа година“, рекоа неколкумина граѓани.

За наредната 2018 – та година очекуваат подобар пласман на домашното земјоделско производство во странство, но, и повисоки откупни цени за земјоделските производи. Сметаат дека домашните ниви може да дадат поголем и поквалитетен род, но треба стратегија за земјоделство која ќе ја заживее домашната економија. Продавачите се со поделени мислења околу тоа каква ќе биде следната година.

„Се надеваме дека новата година ќе биде подобра за сите.“

„Не, нема подобро да биде. Се гледа дека цела година оваа Влада не направи многу. Не вредат двата часа ефтина струја, или укинувањето на радиодифузната такса. Треба повеќе пари за подобар живот“, додаваат граѓаните.

И продавачите и потрошувачите, очекуваат повисоки плати и власта и општината конечно да ја реализираат изградбата на модернизиран „Бит пазар“ ветување со кое ги добиваат гласовите на пазарџиите последните неколку изборни циклуси.


 

alsatm

Тагови

Валентина Соколовска

Зелена берза – Гласот на земјоделецот Заедно со Вас, драги земјоделци, ја создадовме „Зелена берза“, како Здружение на земјоделци, како начин на заедничка работа преку кој ќе стигнеме до нашите јасни заеднички цели: да се слушне гласот на секој земјоделец, да размениме искуства, да создадеме услови во кои ќе можеме успешно да работиме, а земјоделскиот труд да добие соодветен приход. „Зелена берза“, постои за Вас, да ве поттикне, да ве информира, но и заеднички со Вас да се избори за квалитетно и исплатливо производство, за производи кои гарантирајќи квалитет ќе обезбедат сигурност, стабилност и добар профит. Визијата на најголемото, невладино и непрофитно, земјоделско здружение во Р. Македонија – „Зелена Берза“ е да прераснеме во здружение со илјадници членови, здружение со големо влијание врз законските норми кои го регулираат земјоделието и здружение кое ќе му даде глас на секој индивидуален земјоделец. Грб во тешките времиња и земјоделски промотор во добрите. Нашата мисија е да го промовираме македонскиот земјоделец, да градиме партнерски односи со производителите и со трговците, да создадеме заедница на македонските производители на храна која ќе ги претставува и ќе се бори за интересите на современето македонско земјоделие, во државата и странство. Приклучете ни се, бидете дел од нас. Раскажете ја вашата приказна, актуелизирајте го Вашиот проблем, презентирајте ја Вашата идеја, понудете добри совети. Ние сме тука, да го пренесеме Вашиот збор, да преземеме активности и заеднички да креираме успеси, што ни е силно потребно, на сите нас, кои директно или индиректно, сме дел од земјоделието. Успехот во оваа гранка, е успех на животот, зошто здравата храна е еден од клучните фактори за здрав живот, а земјоделецот е неговиот најважен столб. И нашиот месечник е олицетворение на вредностите кои ги застапува Зелена берза. Делењето на бесплатни примероци има за цел да го зголеми опсегот на гласот на земјоделците, заедно да ги решиме децениските земјоделски проблеми, натежнати врз сите нас. Заедно да го продолжиме патот кој започнавме да го трасираме. Креирајте го Вашиот весник, според Вашите желби и потреби. Ние сме тука за Вас. Редакцијата на нашиот и Ваш весник, Ви стои на располагање за споделување на Вашата приказна, Вашите совети и Вашето искуство во земјоделието. Контактирајте не на телефон 071 207 021, преку електронска пошта [email protected] или на страната на ФБ / Зелена Берза Срдечен поздрав, Вашата Зелена Берза

Слични написи

Back to top button
Close