Субвенции за рурална инфраструктура

Објавен е огласот за субвенционирање на руралната инфраструктура. Владата и оваа година ќе инвестира во селски патишта, мостови и други јавни потреби.

До 15-ти јуни општините можат да поднесуваат барања за изградба на локални патишта, мостови, водоводи, добиточни пазари, за младински и домови на културата.

Субвенцијата е неповратна и изнесува 100 проценти од трошоците со максимална вредност до 20 милиони денари.

По потпишувањето на договорот со платежната агенција, општината треба да спроведе јавна набавка.

Исплатата може да биде авансно на две рати или во фази.