Турција извезува 60 милиони рози пред Денот на вљубените

Турските производители на цвеќиња извезоа 60 милиони рози во 50 земји – меѓу кои се Холандија, Велика Британија, Германија и Украина – пред Денот на вљубените на 14 февруари.

Испораката на рози започна пред 20 дена, изјави за турската агенција „Анадолу“ Исмаил Јилмаз, претседател на Здружението на извозници на украсни анадолски растенија.

Минатата година производство на рози беше помало во споредба со тековната година заради студеното време, рече Јилмаз, додавајќи дека годинава земјата извезла 6 милиони рози повеќе отколку минатата година, јавува агенцијата „Анадолија“.

Истакнувајќи дека досегашниот извоз се зголемил за 6,5 милиони американски долари, тој рече дека новите нарачки ќе бидат доставени по воздушен пат до 14 февруари.

Тој рече дека Турција извезува и други цвеќиња, особено каранфили, кои сочинуваат скоро 90 проценти од вкупниот извоз на цвеќе од земјата.

извор: Макфакс