„Вкуси ја традицијата“ – Прв национален саем за храна и пијалаци
Денеска во Скопје
Под мотото „Вкуси го животот, вкуси ја традицијата“ денеска пред езерцето во скопскиот Градски парк ќе се одржи Првиот национален саем за храна и пијалаци.
На саемот ќе се обратат премиерот Димитар Ковачевски и министерот за земјоделство, шумарство и водостопанство Љупчо Николовски.
На просторот во Градски парк, ќе бидат поставени над 200 штандови со производи, ќе се подготвува вкусна традиционална храна од познати готвачи, а предвидено е и детско катче, со цел на децата одблизу да им се претстават домашните земјоделски произвоиди, храна и пијалаци.
Посетителите ќе можат да уживаат и во звуците на Љубојна, Тајфата и диџеј Мац.
Саемот „Вкуси ја традицијата – Прв национален саем за храна и пијалаци“ ќе биде отворен од 11 до 16 часот. За сите посетители, влезот е бесплатен.
