Во Кочани презентирани новите машини за жнеење на оризот и сецкање на сламата

Досегашните машини кои што вршеа жетва на оризот не ја сецкаа сламата и истата претставуваше проблем при обработката на површините за следната сезона на земјоделците. Затоа тие на пролет вршеа спалување на сламата. Бидејќи таквата постапка на спалување е забранета со закон а и како агротехничка мерки не е добра, бидејќи скоро 50% од вкупната биомаса во производството е сламата и истата треба да се врати повторно во почвата и да се заора, се воведуваат нови технологии кои што вршат сецкање на сламата.

-Така исецканата слама не смета при обработката односно при основното орање таа се заорува и понатаму се минерализира. Треба постепено да се воведуваат комбањи кои што вршат сецкање на сламата за да го решиме проблемот со спалување на сламата, рече проф. д-р Добре Андов, Институт за ориз Кочани.

Воведувањето на новите технологии би требало да го реши проблемот на земјоделците со палењето на сламата во текот на пролетта.