Во кривопаланечко 110 барања за штети од априлското невреме

Вкупно 110 барања за надомест на штета од невремето во април годинава поднеле земјоделците од Крива Паланка и Ранковце.

Сите 110 барања се со пријавена стопроцентна штета на поседите.

– Станува збор за извршена проценка на штета на ореви, цреши, вишни, сливи и јаболки на земјоделски имоти на територијата на двете општини, информира Славче Станковски од општинската Комисија за утврдување штети од пролегното невреме.

Утврдени се пријавените штети на земјоделски земјишта и овоштарници,  додека барањата не се однесувале за процена на штети на млад насад.

Комисијата која извршила проценка на штетите се состои од пет члена: претставници од подрачната единица на Министерството за земјоделство, шумараство и водостопанство Крива Паланка, подрачната канцеларија на Агенција за поттикнување и развој на земјоделството, како и од Државниот земјоделски инспекторат.

—