Во недела променливо облачно со повремен пороен дожд и грмежи

Во недела уште од утринските часови ќе биде променливо облачно со повремен пороен дожд и грмежи. Понестабилно со пообилен дожд, локално над 15 л/м2 за кратко време се очекува во јужните делови од земјава каде и температурата позначително ќе се намали.

ВРЕМЕТО ВО СЛЕДНИТЕ ДЕНОВИ: Во понеделник ќе има локален дожд со ретки грмежи, претежно во западните делови. Потоа ќе биде малку до умерено облачно, од понеделник со слаб до умерен, а на места и засилен ветер од североисточен правец.