Во Валандово започна исплатата на средства за надомест на штети од елементарни непогоди

Локалната самоуправа од Валандово започна со исплатата на средства за надомест на штети од елементарни непогоди за периодот 2020-21 година.

Средствата се обезбедени со одлука на Владата од  Буџет и тоа како надомест за претрпената штета на земјоделците од:

-град – јуни 2020 година
-слана – април 2021 година

Ќе бидат исплатени близу 37 милиони денари на 469 граѓани од општина Валандово, кои претрпеле штета од невремето во наведените два наврати.

Штетите се нанесени на земјоделски култури и на градежни објекти на физички и правни лица од општината.

Заеднички се справуваме со предизвиците, си помагаме и продолжуваме кон нови цели, објави на својот фејсбук-профил Перо Костадинов, градоначалникот на општина Валандово.